الجمعة - 25 أكتوبر 2019 - الساعة 08:26 ص
تعجبني المزايدة الزايدة بإخواني ابناء يافع
اليافعي مع الانتقالي مزايد واليافعي مع الشرعية
مزايد واليافعي اللي مع الاصلاح مزايد.
اخر قصص مزايدات اليافعي :
--امس دار حوار بين اثنين من يافع واحد مع
الشرعية والثاني مع الانتقالي وكان جالس بينهم
لحجي سكران طيطة .
قال اليافعي الانتقالي لليافعي اللي بالشرعية
انته ارتع لك مع اصحاب ابين بالشرعية تحاربو
الضالع والضالع امس قدمت ثلاثة شهداء اخوان
من اب وام .
رد اليافعي اللي بالشرعية لليافعي الانتقالي وقال
احترم نفسك يانذل واتماوص بهيل قبل ماتذكر
اسم ابين وشوف ابين قد قدمت قبل الضالع ثلاثة
شهداء اخوة من اب وام .
طاااااااااااااااااارت السكرة من راس اللحجي بسبب
مزايدتهم .
وسألهم انتم يفيعه من حق وين اليافعي الاول
قال من يافع السيف والثاني قال من يافع الضيف
اللحجي سألهم ليش الى كم تنقسم يافع قالو
له تنقسم الى ثلاثة يافع السيف ويافع الضيف
ويافع الكلبة .
رد عليهم اللحجي وقال وزيدو لكم حبة من اللحجي
انتم لا من يافع السيف ولا الضيف ولا يافع الكلبة
انتم بانسوي لكم قسم يافعي جديد وبأسميه يافع
الهبلا لكم ولامثالكم .
شوفو ياهبل الشهداء خط احمر ولا احد يستخدمهم
للمناكفات وللمشارعة وللمناطقية والمزايدة واعرفو
ان العبرة مش بالعدد !!!
ولو العبرة بالعدد فالحوثي يقدم من البيت الواحد
عشرة اخوان من اب وام !!!
ولو قدكم ياهبل تشتو تتزايدو فيما بينكم البين
فلا عاد تزيدو الشرخ بين ابين والضالع وافتخرو
بصاحبكم اليافعي الشبحي الذي قدم ستة اولاده
شهداء والسابع اسير وركزو معي 6 شهداء والسابع
اسير ولا في يافعي ذكرهم من قبل ولا ذكر ابوهم
الشبحي والصبر الذي يملكه.
ورحمة الله تغشى كل شهيد.
والله من وراءالقصد
نصراللحجي
