الوطن العدنية /كتب_صالح الحنشي
جلس عبدربه منصور هادي 17 سنة نائب رئيس في صنعاء ومامعه حتى قرار تعيين نائب رئيس واتعامس وراحوا قالوا له انته مهمتك
تكون رئيس لجنة الاحتفالات..
تنظم الاحتفالات والرنج حق اللافتات...
طيب ولاعليكم..احتفالات احتفالات..
سبعتعشر سنة على هذا الحال..وهو ولا كلمه..
إلى 2011 قالوا ثوره..
وانشرخت عصاء علي محسن (بلسن) وعلي عبدالله صالح .. واتباعدوا. وهادي جالس يقول في قلبه يارب زيده يارب زيده...
المهم لاعد حميد الأحمر وبلسن رضيوا يستمر صالح
ولاصالح رضي ان يستلم حميد وبلسن السلطة..!!!
كيف يصلحوا..؟
الطرفين فكروا تفكير متشابه.. رغم أنهم ماتفقوا عليه.. بس قد هي النوايا متشابهة...
كل واحد منهم فكر قال الرئاسة بانعطيها هادي وقد ماحد معه في صنعاء. وأول مانرتب أمورنا ع نرجع نشلها عليه..
كل طرف منهم يشتي يرتب أموره ويرجع يبز الرئاسة على هادي..
هادي وقع رئيس .. بلسن وحميد يقولوا قد نحنا اللي جبناه وبانسيره زي مانشتي...واجوا قالوا له ياهادي المخ طرف المخلوع.. ولمخ.
وزعل المخلوع صالح.. رجع هادي ولمخ الشق حق بلسن وحميد وهدي صالح..
وزعل طرف بلسن.. ورجع هادي ولمخ طرف صالح ورضي وهدي بلسن.. المهم جلس هادي يلمخ غيهم لمخه بلمخه لما جزعهم..
راحوا جابوا له الحوثي من صعدة ..ع نخليه يطير به.. خلوا الطريق الى صنعاء بياح قدام الحوثي لما وصل لاعمران..
على غيري.. بكر غبش هادي إلى عمران قال للحوثيين ارحبوا ياحيا بكم.
واعتصدت على الكل حد فقد حياته وحد شرد..
راح هادي للرياض.. استلموه السعوديين..منعوه من العودة إلى عدن قال لهم طيب..حاصروه قال طيب.. وصابر وصبر ست سنين على هذا الحال.
الآن الرياض قالوا فيها عوكه قوية بين محمد بن سلمان وعمه وبن عمه..وشكلهم بايتقاشروا..ومابايسدوا على من يخلف سلمان..بايرجعوا يقولوا خلاص لامحمد ولاعمه أحمد..بانخلي هادي هو خليفة للملك سلمان خادم الحرمين الشريفين .
وكل واحد منهم بايقول بارتب أموري وأرجع بزها عليك ياهادي .
وبايكرر هادي الملامخه بينهم وبايحنب بايروحوا بعدين يجيبوا الحوثي للرياض..!!
وعليها...
